मुंबई: भीमा कोरेगाव विजयस्तंभ विकासासाठी सरकार अनेक वेळा निधीची घोषणा करीत असले तरी भीमा कोरेगाव विजयस्तंभ अतिक्रमण व जागेचा मालकी हक्क हे प्रकरण न्यायालयात प्रलंबित असल्याने कसलाही विकास करता येणार नाही म्हणून प्रथम न्यायालयाचा खटला जिंकणे ही आपली सर्वांची पहिली आणि सामुहिक जबाबदारी आहे. भीमा कोरेगाव विजयस्तंभ अतिक्रमण व जागेचा मालकी हक्क हा प्रशासकीय व न्यायालयीन लढा प्रत्येक गावात, शहरात, तालुक्यात, जिल्ह्यात, राज्यात व राष्ट्रीय पातळीवर जनजागृती करण्यासाठी व हा लढा समाजभिमुख व्हावा म्हणून जनजागृती अभियान राबवण्यात येणार आहे. न्यायालयाचा खटला गतिमान व्हावा आणि लवकरात लवकर निकाल लागावा म्हणून या लढ्यात सर्वांनी सहभागी व्हावे म्हणून कोरेगाव भीमा विजयस्तंभ बचाव समिती स्थापन करण्यात आलेली असून कोरेगाव भीमा जयस्तंभ बचाव समितीचे अध्यक्ष दादाभाऊ अभंग यांच्या मार्गदर्शनाखाली कोरेगाव भीमा जयस्तंभ बचाव समितीचे मुंबई प्रदेश अध्यक्ष संजय धावारे यांनी कोरेगाव भीमा जयस्तंभ बचाव समितीच्या मुंबई उपाध्यक्ष व दक्षिण मध्य मुंबई जिल्हा प्रभारी या पदावर आयु. ऍडव्होकेट महेंद्र भिंगारदिवे यांची नियुक्ती करण्यात आली असून मागील अनेक वर्षांपासून आंबेडकरी चळवळीत ते काम करीत आहे. सामाजिक धार्मिक शैक्षणिक क्षेत्र ते काम करीत असून गरजवंताना कायदेशीर सल्ला देऊन मार्गदर्शन करीत आहेत. आयु. ऍडव्होकेट महेंद्र भिंगारदिवे स्थानिक नागरिकांच्या समस्या सातत्याने सोडवण्याचे काम करीत आहे. भीमा कोरेगाव विजयस्तंभ अतिक्रमण न्यायालयीन लढ्यात ते मागील अनेक दिवसांपासून सहभागी आहेत. या ऐतिहासिक न्यायालय लढ्यात आयु. ऍडव्होकेट महेंद्र भिंगारदिवे जनजागृतीचे काम तन, मन आणि आपले सर्वस्व लावून करतील अशी अपेक्षा… त्यांच्या पुढील कार्यास हार्दिक शुभेच्छा
